Leipzigu do të paguajë 29 milionë euro për ta mbajtur Schickun

23:28 | 14 Prill 2020
Arditë Shkodra

RB Leipzigu ka vendosur ta aktivizojë klauzolën për blerjen e Patrik Schickut – bën të ditur Kicker.

Sulmuesi çek është i huazuar në Bundesliga nga Roma dhe ka lënë përshtypje të mirë duke i shënuar shtatë gola në 15 paraqitje.

Kjo ka bërë që klubi gjerman të mendojë për blerjen e tij, duke qenë se në marrëveshjen e huazimit e ka edhe opsionin e nënshkrimit me 24-vjeçarin.

Mirëpo, që të ndodhë kjo Leipzigu duhet t’ia paguajë Romës 29 milionë euro, aq sa vlen lojtari sipas marrëveshjes mes dy klubeve.

Qëndrimi i Schick mund t’i hapë derë largimit të Yussuf Poulsen, i cili në muajt e fundit ka pasur më pak minutazh loje./telegrafi

Shpërndaje në rrjete sociale

Lajmet më të lexuara

Të ngjashme

Foto lajm